Мақомоти иҷроияи ҳокимияти давлатии вилоят як қатор озмунҳои вилоятӣ эълон менамояд
25.09.2020Панҷакенти бостонӣ имкон дорад дар як сол то 200 ҳазор сайёҳ қабул намояд,- бардошт аз ҳамоиши ҷумҳуриявӣ
05.11.2020Бо мақсади таъмини иҷрои нақшаи чорабиниҳои «Барномаи рушди сайёҳӣ дар Ҷумҳурии Тоҷикистон барои солҳои 2018-2020» ва тадбирҳои пешбинигардидаи солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» дар шаҳри Бӯстон тадбирҳо андешида шуда истодаанд.
Аз ҷумла бо ин мақсад қарори раиси шаҳр «Дар бораи гузаронидани даври шаҳрии озмуни вилоятӣ дар байни ҳунармандон оид ба истеҳсоли маҳсулоти сайёҳӣ ва армуғонии беҳтарин барои сайёҳон» ба тасвиб расида, дар заминаи он байни ҳунармандони шаҳр озмун доир гардид.
Дар озмун зиёда аз 8 нафар ҳунармандони шаҳр бо пешниҳоди маҳсулот ва армуғонҳои беҳтарин аз рӯи намудҳои муҳрабофӣ, дӯзандагӣ, сӯзанидӯзӣ, заргарӣ ва дигар намудҳои санъату ҳунар ширкат намуданд.
Ҳамин тариқ аъзои комиссия ба санъату маҳорат ва малакаву истеъдоди ҳунармандон баҳогузорӣ намуда, ғолилбонро муайян намуданд.
Бо пешниҳоди маҳсулот ва армуғонҳои беҳтарин аз рӯи намудҳои заргарӣ, офаридани маводҳову армуғонҳо аз адрас ва муҳрабофӣ ҳунармандони шаҳр Шоира Ризоева сазовори ҷои аввал, Зиёва Раъно сазовори ҷои дуюм ва Машҳура Орипова сазовори ҷои сеюм гардиданд.
Ғолибони даври шаҳрӣ барои иштирок дар даври вилоятии озмун роҳхат гирифтанд.
Хадамоти матбуоти
Раиси вилояти Суғд