“Тоҷикистон – кишвари сайёҳӣ” — таҳти ин унвон дар Бӯстон конфронси назариявӣ доир шуд
26.06.2020Чанде қабл дар Маркази фарҳанги шаҳри Хуҷанд ҷаласаи Шӯрои ҳамоҳангсозии соҳаи сайёҳӣ дар назди мақомоти иҷроияи ҳокимияти давлатии вилоят баргузор гардид.
Дар кори ҷаласа, ки таҳти раёсати муовини Раиси вилояти Суғд Анвар Яъқубӣ сурат гирифт, аъзои Шӯро, масъулини шуъбаи рушди сайёҳии вилоят, муовинони раисони шаҳру ноҳияҳо, мудирони бахшҳои рушди сайёҳӣ ва роҳбарони ширкатҳои сайёҳӣ иштирок доштанд.
Анвар Яъқубӣ ҳозиринро бо рӯзномаи ҷаласа шинос намуда, қайд кард, ки аз тарафи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рушди соҳаи сайёҳӣ таваҷҷуҳи хоса зоҳир гардида, солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” эълон карда шуд.
Зикр карда шуд, ки аз ҷониби Ҳукумати Ҷумҳурии Тоҷикистон Стратегияи рушди сайёҳӣ барои давраи то соли 2030 тасдиқ гардид, ки барои рушди соҳа мусоидат менамояд.
Дар идомаи ҷаласа рафти иҷрои Барномаи рушди сайёҳӣ барои солҳои 2018-2020 дар вилоят мавриди баррасӣ қарор гирифт ва Анвар Яъқубӣ вобаста ба мушкилоти мавҷудаи соҳа ибрози назар намуда, ҷиҳати ислоҳи камбудиҳо ба масъулин супоришҳо дод.
Хадамоти матбуоти
Раиси вилояти Суғд