Ғолибони озмуни “Деҳаи ман”, ки бахшида ба “Солҳои рушди деҳот, сайёҳӣ ва ҳунарҳои мардумӣ” эълон гардида буд, муайян гардиданд

Озмуни Кумитаи иҷроияи вилоятии ҲХДТ, ки таҳти унвони “Деҳаи ман” бахшида ба “Солҳои рушди деҳот, сайёҳӣ ва ҳунарҳои мардумӣ” эълон гардида буд, ҷамъбаст гардид.

Тавре аз Кумитаи иҷроияи вилоятии ҲХДТ хабар доданд, дар бахши “Беҳтарин тасвир ва аксҳо” ҷойи якумро Маҳмуд Аҳмадӣ, ҷойи дуюмро Саодат Исмоилӣ ва ҷойи сеюмро Мавзуна Назарова соҳиб шуданд.

Дар бахши “Беҳтарин мақолаҳои публисистӣ, эссе, лавҳа ва ҳикояҳо” Исмоил Зарифӣ сазовори ҷойи аввал, Озод Тоҷибоев ҷойи дуюм ва  Машҳура Зарифова ҷойи сеюм гардиданд.

Раъно Холматова, Ниёзмуҳаммад Иброҳимов ва Муяссара Солиева ҷойҳои якум, дуюм ва сеюми бахши “Беҳтарин муаррифигари ҳунарманд” –ро соҳибӣ карданд.

Ғолибон бо туҳфаҳои Кумитаи иҷроияи вилоятии ҲХДТ сарфароз гардонида шуданд.

Хадамоти матбуоти
Раиси вилояти Суғд